ਮੈਲਬਰਨ : ਵਿਸ਼ਵ ਮੌਸਮ ਵਿਗਿਆਨ ਸੰਗਠਨ (WMO) ਨੇ ਦੱਸਿਆ ਹੈ ਕਿ ਸਾਲ 2024 ਹੁਣ ਤਕ ਦੇ ਰਿਕਾਰਡ ’ਤੇ ਸਭ ਤੋਂ ਗਰਮ ਸਾਲ ਰਿਹਾ, ਜਿਸ ਵਿੱਚ ਔਸਤ ਆਲਮੀ ਤਾਪਮਾਨ ਉਦਯੋਗੀਕਰਨ ਤੋਂ ਪਹਿਲਾਂ ਦੇ ਪੱਧਰਾਂ ਮੁਕਾਬਲੇ ਆਮ ਨਾਲੋਂ 1.5 ਡਿਗਰੀ ਤੋਂ ਵੱਧ ਸੀ। ਜਲਵਾਯੂ ’ਚ ਇਸ ਤਬਦੀਲੀ ਦੇ ‘ਨਾ ਬਦਲਣਯੋਗ ਨਤੀਜੇ’ ਹਨ ਅਤੇ ਇਹ ਗ੍ਰਹਿ ਲਈ ‘ਨੀਂਦ ਤੋਂ ਜਾਗਣ ਦੇ ਵੇਲੇ’ ਨੂੰ ਦਰਸਾਉਂਦਾ ਹੈ। WMO ਦੀ ਰਿਪੋਰਟ ਚਿੰਤਾਜਨਕ ਅੰਕੜਿਆਂ ਨੂੰ ਉਜਾਗਰ ਕਰਦੀ ਹੈ, ਜਿਸ ਵਿੱਚ 800,000 ਸਾਲਾਂ ’ਚ ਸਭ ਤੋਂ ਜ਼ਿਆਦਾ ਕਾਰਬਨ ਡਾਈਆਕਸਾਈਡ ਦਾ ਪੱਧਰ, ਸਮੁੰਦਰ ਦੇ ਪੱਧਰ ਵਿੱਚ ਤੇਜ਼ੀ ਨਾਲ ਵਾਧਾ ਅਤੇ ਸਮੁੰਦਰੀ ਤਾਪਮਾਨ ਵਿੱਚ ਬੇਮਿਸਾਲ ਵਾਧਾ ਸ਼ਾਮਲ ਹੈ।
ਮਾਹਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜਲਵਾਯੂ ਤਬਦੀਲੀ ਦੇ ਨਤੀਜੇ ਵਿਨਾਸ਼ਕਾਰੀ ਹਨ ਅਤੇ ਤੁਰੰਤ ਕਾਰਵਾਈ ਜ਼ਰੂਰੀ ਹੈ। ਖੋਜਕਰਤਾਵਾਂ ਨੇ ਨਿਰਾਸ਼ਾ ਅਤੇ ਚਿੰਤਾ ਜ਼ਾਹਰ ਕੀਤੀ, ਇੱਕ ਵਿਗਿਆਨੀ ਨੇ ਕਿਹਾ ਕਿ ‘ਜਦੋਂ ਤੱਕ ਅਸੀਂ ਸਰਕਾਰਾਂ ਅਤੇ ਕਾਰੋਬਾਰਾਂ ਤੋਂ ਅਸਲ ਜਲਵਾਯੂ ਲੀਡਰਸ਼ਿਪ ਨਹੀਂ ਵੇਖਦੇ ਉਦੋਂ ਤਕ ਕੁੱਝ ਨਹੀਂ ਹੋ ਸਕਦਾ।’ ਇਹ ਰਿਪੋਰਟ ਜਲਵਾਯੂ ਸੰਕਟ ਨਾਲ ਨਜਿੱਠਣ ਲਈ ਪ੍ਰਣਾਲੀਗਤ ਕਾਰਵਾਈ ਦੀ ਤੁਰੰਤ ਲੋੜ ਨੂੰ ਦਰਸਾਉਂਦੀ ਹੈ।
