ਮੈਲਬਰਨ : ਕੁਈਨਜ਼ਲੈਂਡ ’ਚ 26 ਅਕਤੂਬਰ ਨੂੰ ਅਸੈਂਬਲੀ ਚੋਣਾਂ ਹੋਣ ਵਾਲੀਆਂ ਹਨ ਜਿਸ ਲਈ ਚੋਣ ਕਮਿਸ਼ਨ 15,000 ਟੈਂਪਰੇਰੀ ਵਰਕਰਾਂ ਦੀ ਭਰਤੀ ਕਰ ਰਿਹਾ ਹੈ। ਇਹ ਵਰਕਰ ਵੱਖੋ-ਵੱਖ ਅਹੁਦਿਆਂ ’ਤੇ ਪ੍ਰਤੀ ਦਿਨ 900 ਡਾਲਰ ਤੱਕ ਕਮਾ ਸਕਦੇ ਹਨ, ਜਿਸ ਵਿੱਚ ਨਿਗਰਾਨੀ ਭੂਮਿਕਾਵਾਂ ਅਤੇ ਵੋਟਾਂ ਦੀ ਗਿਣਤੀ ਸ਼ਾਮਲ ਹੈ।
ਕੰਮ ਕਈ ਤਰ੍ਹਾਂ ਦੇ ਹਨ ਅਤੇ ਕਈਆਂ ਨੂੰ ਕਿਸੇ ਤਜਰਬੇ ਦੀ ਵੀ ਲੋੜ ਨਹੀਂ ਹੈ। ਵਰਕਰ ਪੋਲਿੰਗ ਬੂਥ ਸਥਾਪਤ ਕਰਨ, ਕਤਾਰਾਂ ਦਾ ਪ੍ਰਬੰਧਨ ਕਰਨ, ਜਾਂ ਜਨਤਾ ਨੂੰ ਵੋਟਾਂ ਜਾਰੀ ਕਰਨ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਕੁਝ ਅਹੁਦਿਆਂ ਵਿੱਚ ਤਨਖਾਹ ਵਾਲੀ ਸਿਖਲਾਈ ਵੀ ਸ਼ਾਮਲ ਹੋ ਸਕਦੀ ਹੈ।
ਹਾਲਾਂਕਿ ਸਿਰਫ਼ ਆਸਟ੍ਰੇਲੀਆ ਨਾਗਰਿਕ, ਜਿਨ੍ਹਾਂ ਨੂੰ ਵੋਟ ਪਾਉਣ ਦਾ ਅਧਿਕਾਰ ਹੈ ਉਹੀ ਇਨ੍ਹਾਂ ਕੰਮਾਂ ਲਈ ਯੋਗ ਹਨ। ਬਿਨੈਕਾਰਾਂ ਦੀ ਉਮਰ 18 ਸਾਲ ਤੋਂ ਵੱਧ ਹੋਣੀ ਚਾਹੀਦੀ ਹੈ ਅਤੇ ਉਹ ਰਾਜਨੀਤਿਕ ਤੌਰ ’ਤੇ ਨਿਰਪੱਖ ਹੋਣੇ ਚਾਹੀਦੇ ਹਨ। ਨੌਕਰੀਆਂ ਨੂੰ ਕੁਈਨਜ਼ਲੈਂਡ ਦੇ ਚੋਣ ਕਮਿਸ਼ਨ ਦੀ ਵੈੱਬਸਾਈਟ ’ਤੇ ‘ਇਲੈਕਸ਼ਨ ਵਿੱਚ ਕੰਮ’ ਟੈਬ ਹੇਠ ਵੇਖੀਆਂ ਅਤੇ ਅਪਲਾਈ ਕੀਤੀਆਂ ਜਾ ਸਕਦੀਆਂ ਹਨ।
