ਮੈਲਬਰਨ : Prosper Australia ਦੇ ਇੱਕ ਤਾਜ਼ਾ ਅਧਿਐਨ ਤੋਂ ਪਤਾ ਲੱਗਿਆ ਹੈ ਕਿ ਮੈਲਬਰਨ ਵਿੱਚ ਲਗਭਗ 100,000 ਘਰ ਖਾਲੀ ਹਨ, ਜੋ ਬੇਘਰੇ ਅਤੇ ਸੋਸ਼ਲ ਹਾਊਸਿੰਗ ਵੇਟਿੰਗ ਲਿਸਟ ਵਿੱਚ ਸ਼ਾਮਲ ਲੋਕਾਂ ਨੂੰ ਰੱਖਣ ਲਈ ਕਾਫ਼ੀ ਹਨ। ਇਸ ਸਟੱਡੀ ’ਚ 200 ਪੋਸਟਕੋਡਾਂ ਵਿੱਚ ਰਿਹਾਇਸ਼ੀ ਪਾਣੀ ਦੀ ਵਰਤੋਂ ਦਾ ਵਿਸ਼ਲੇਸ਼ਣ ਕੀਤਾ ਗਿਆ ਹੈ, ਜਿਸ ’ਚ ਪਾਇਆ ਗਿਆ ਕਿ ਪਿਛਲੇ ਸਾਲ ਹਰ 20 ਵਿੱਚੋਂ ਇੱਕ ਘਰ ਖਾਲੀ ਸੀ।
97,681 ਖਾਲੀ ਘਰਾਂ ਵਿਚੋਂ ਲਗਭਗ 27,408 ਪੂਰੀ ਤਰ੍ਹਾਂ ਖਾਲੀ ਸਨ ਅਤੇ 70,453 ਦੀ ਵਰਤੋਂ ਮੁਸ਼ਕਿਲ ਨਾਲ ਕੀਤੀ ਗਈ ਸੀ। ਮੈਲਬਰਨ ਸ਼ਹਿਰ ਵਿੱਚ ਖਾਲੀ ਪਏ ਮਕਾਨਾਂ ਵਿੱਚ ਸਭ ਤੋਂ ਵੱਡਾ ਵਾਧਾ ਵੇਖਿਆ ਗਿਆ ਹੈ, ਜਿਸ ਵਿੱਚ ਲਗਭਗ 10,000 ਖਾਲੀ ਘਰ ਹਨ, ਜੋ ਪਿਛਲੇ ਸਾਲਾਂ ਨਾਲੋਂ ਤਿੰਨ ਗੁਣਾ ਵੱਧ ਹਨ। ਸਭ ਤੋਂ ਵੱਧ ਖਾਲੀ ਘਰਾਂ ਵਾਲੇ ਸਬਅਰਬਾਂ ਵਿੱਚ Burwood, Box Hill, Malvern, Hawthorn, ਅਤੇ Glen Waverley. ਸ਼ਾਮਲ ਸਨ।
ਇਨ੍ਹਾਂ ਘਰਾਂ ਦੇ ਖ਼ਾਲੀ ਹੋਣ ਦਾ ਕਾਰਨ ਪੂਰੀ ਤਰ੍ਹਾਂ ਸਪੱਸ਼ਟ ਨਹੀਂ ਹੈ, ਪਰ ਰਿਪੋਰਟ ਸਪੈਕਟੇਟਿਵ ਇੰਸੈਂਟਿਵ ਅਤੇ ਫ਼ੈਡਰਲ ਟੈਕਸ ਪ੍ਰਣਾਲੀ ਵੱਲ ਇਸ਼ਾਰਾ ਕਰਦੀ ਹੈ ਜੋ ਪੂੰਜੀਗਤ ਲਾਭ ਨੂੰ ਯੋਗਦਾਨ ਪਾਉਣ ਵਾਲੇ ਕਾਰਕਾਂ ਵਜੋਂ ਪਸੰਦ ਕਰਦੀ ਹੈ। ਰਿਪੋਰਟ ਵਿਚ ਇਹ ਵੀ ਦੱਸਿਆ ਗਿਆ ਹੈ ਕਿ ਘੱਟ ਵਿਆਜ ਦਰਾਂ ਅਤੇ ਟੈਕਸ ਨੀਤੀਆਂ ਕੁਝ ਮਾਲਕਾਂ ਲਈ ਘਰਾਂ ਨੂੰ ਕਿਰਾਏ ‘ਤੇ ਦੇਣ ਦੀ ਬਜਾਏ ਖਾਲੀ ਰੱਖਣਾ ਵਧੇਰੇ ਤਰਕਸੰਗਤ ਬਣਾਉਂਦੀਆਂ ਹਨ, ਜਿਸ ਨਾਲ ਮਕਾਨ ਅਸਮਾਨਤਾ ਵਧਦੀ ਹੈ।
