ਕੈਨਬਰਾ: ਭਾਵੇਂ ਲਿਬਰਲ ਪਾਰਟੀ ਇਸ ਸਮੇਂ ਆਸਟ੍ਰੇਲੀਆ ਦੀ ਸਰਕਾਰ ’ਚ ਨਹੀਂ ਹੈ, ਪਰ ਪਾਰਟੀ ਨੇ ਚੋਣਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਆਪਣੀ ਭਵਿੱਖੀ ਇਮੀਗ੍ਰੇਸ਼ਨ ਨੀਤੀ ਬਾਰੇ ਵੱਡੇ ਸੰਕੇਤ ਦਿੱਤੇ ਹਨ। ਨਵੀਂ ਪਾਲਸੀ ਦੀ ਰੂਪ-ਰੇਖਾ ’ਚ ਇੰਟਰਨੈਸ਼ਨਲ ਸਟੂਡੈਂਟਸ ਅਤੇ Skilled Migrants ਲਈ ਸਥਾਨਾਂ ’ਚ ਕਟੌਤੀ ਦੀ ਗੱਲ ਸਾਹਮਣੇ ਆਈ ਹੈ।
ਇਹ ਕਿਉਂ ਮਹੱਤਵਪੂਰਨ ਹੈ: ਲਿਬਰਲ ਪਾਰਟੀ ਭਾਵੇਂ ਸੱਤਾ ਵਿੱਚ ਨਹੀਂ, ਪਰ ਉਸ ਦੀ ਪਾਲਸੀ ਰਾਸ਼ਟਰੀ ਚਰਚਾ ਦਾ ਰੁਖ ਬਦਲਦੀ ਹੈ। ਜਦੋਂ ਓਪੋਜ਼ੀਸ਼ਨ ਵੱਡੇ ਬਦਲਾਅ ਦੀ ਗੱਲ ਕਰਦੀ ਹੈ, ਤਾਂ ਸਰਕਾਰ ’ਤੇ ਵੀ ਦਬਾਅ ਬਣਦਾ ਹੈ ਕਿ ਉਹ ਆਪਣੀ ਮੌਜੂਦਾ ਇਮੀਗ੍ਰੇਸ਼ਨ ਨੀਤੀ ਦੀ ਸਮੀਖਿਆ ਕਰੇ।
ਵਿਦੇਸ਼ੀ ਵਿਦਿਆਰਥੀਆਂ, ਯੂਨੀਵਰਸਿਟੀਆਂ, ਰੀਜਨਲ ਲੇਬਰ ਮਾਰਕੀਟ ਅਤੇ ਬਿਜ਼ਨਸ ਕਮਿਊਨਿਟੀ ’ਤੇ ਇਸ ਚਰਚਾ ਦਾ ਤੁਰੰਤ ਅਸਰ ਪੈਂਦਾ ਹੈ।
ਕੀ ਹੋ ਸਕਦਾ ਹੈ ਅਸਰ: ਜੇ ਇਹ ਪਾਲਸੀ ਲਿਬਰਲ ਪਾਰਟੀ ਦੇ ਚੋਣੀ Manifesto ਦਾ ਹਿੱਸਾ ਬਣਦੀ ਹੈ, ਤਾਂ ਆਉਣ ਵਾਲੇ ਮਹੀਨਿਆਂ ਵਿੱਚ ਇਮੀਗ੍ਰੇਸ਼ਨ ਨੰਬਰ, ਯੂਨੀਵਰਸਿਟੀਆਂ ਦੀ ਯੋਜਨਾ ਅਤੇ ਰੋਜ਼ਗਾਰ ਮਾਰਕੀਟ ’ਤੇ ਵੱਡੇ ਬਦਲਾਅ ਦੇ ਦਰਵਾਜ਼ੇ ਖੁੱਲ੍ਹ ਸਕਦੇ ਹਨ।
