ਸਿਡਨੀ: ਆਸਟ੍ਰੇਲੀਆ ਵਿੱਚ ਹਥਿਆਰਾਂ ਦੀ ਮਾਲਕੀ ਤੇਜ਼ੀ ਨਾਲ ਵੱਧ ਰਹੀ ਹੈ ਅਤੇ ਗਨ ਲੌਬੀ ਨੇ ਦਾਅਵਾ ਕੀਤਾ ਹੈ ਕਿ ਉਹ ਹਥਿਆਰ ਨਿਯੰਤਰਣ ਵਿਰੁੱਧ ਲੜਾਈ ’ਚ ‘ਜਿੱਤ’ ਰਹੀ ਹੈ।
ਤਾਜ਼ਾ ਅੰਕੜਿਆਂ ਅਨੁਸਾਰ, ਦੇਸ਼ ਵਿੱਚ ਹੁਣ ਚਾਰ ਮਿਲੀਅਨ ਤੋਂ ਵੱਧ ਰਜਿਸਟਰਡ ਹਥਿਆਰ ਮੌਜੂਦ ਹਨ — ਇਹ ਗਿਣਤੀ ਪੋਰਟ ਆਰਥਰ ਕਤਲੇਆਮ ਤੋਂ ਬਾਅਦ ਲਾਗੂ ਕੀਤੀਆਂ ਸਖ਼ਤ ਪਾਬੰਦੀਆਂ ਤੋਂ ਕਈ ਗੁਣਾ ਵੱਧ ਹੈ।
ਸ਼ੂਟਰਜ਼ ਯੂਨੀਅਨ ਸਮੇਤ ਹਥਿਆਰ ਸਮਰਥਕ ਗਰੁੱਪ ਸਰਕਾਰ ਵੱਲੋਂ 2028 ਤੱਕ ਲਿਆਂਦੀ ਜਾਣ ਵਾਲੀ ਨੈਸ਼ਨਲ ਫਾਇਰ ਆਰਮਜ਼ ਰਜਿਸਟਰੀ ਦਾ ਵਿਰੋਧ ਕਰ ਰਹੇ ਹਨ ਅਤੇ ਕਹਿੰਦੇ ਹਨ ਕਿ ਉਹ ਰਾਜਨੀਤਿਕ ਤੌਰ ’ਤੇ ਹੋਰ ਪ੍ਰਭਾਵਸ਼ਾਲੀ ਬਣ ਰਹੇ ਹਨ।
ਇਸ ਦੇ ਉਲਟ, ਸੁਰੱਖਿਆ ਮਾਹਰ ਚੇਤਾਵਨੀ ਦੇ ਰਹੇ ਹਨ ਕਿ ਹਥਿਆਰਾਂ ਦੀ ਵਧਦੀ ਗਿਣਤੀ ਜਨਤਕ ਸੁਰੱਖਿਆ ਲਈ ਗੰਭੀਰ ਖ਼ਤਰਾ ਬਣ ਸਕਦੀ ਹੈ। ਖ਼ਾਸਕਰ ਵੈਸਟਰਨ ਆਸਟ੍ਰੇਲੀਆ ਵਿੱਚ ਚਿੰਤਾ ਪ੍ਰਗਟਾਈ ਜਾ ਰਹੀ ਹੈ ਕਿ ਕੁਝ ਵਿਅਕਤੀਆਂ ਕੋਲ ਸੈਂਕੜੇ ਹਥਿਆਰ ਹੋ ਸਕਦੇ ਹਨ।
