ਆਕਲੈਂਡ : ਮਿਡਲ ਈਸਟ ਦੇ ਟਕਰਾਅ ਤੋਂ ਬਾਅਦ ਆਰਥਿਕਤਾ ਵਿੱਚ ਸੁਧਾਰ ਦੇ ਸੰਕੇਤਾਂ ਦੇ ਵਿਚਕਾਰ, ਨਿਊਜ਼ੀਲੈਂਡ ਦੇ ਰਿਜ਼ਰਵ ਬੈਂਕ ਨੇ ਇੱਕ ਵੱਡਾ ਫੈਸਲਾ ਲੈਂਦਿਆਂ Official Cash Rate (OCR) ਨੂੰ 0.25% ਵਧਾ ਕੇ 2.5% ਕਰ ਦਿੱਤਾ ਹੈ। ਸੁਤੰਤਰ ਆਰਥਿਕ ਟਿੱਪਣੀਕਾਰ Tony Alexander ਅਨੁਸਾਰ, ਇਸ ਵਾਧੇ ਦਾ ਅਸਰ ਫਲੋਟਿੰਗ ਮੋਰਗੇਜ ਰੇਟਸ ’ਤੇ ਤੁਰੰਤ ਦੇਖਣ ਨੂੰ ਮਿਲੇਗਾ, ਜਦੋਂ ਕਿ ਫਿਕਸਡ ਮੋਰਗੇਜ ਰੇਟਸ ’ਤੇ ਇਸ ਦਾ ਪ੍ਰਭਾਵ ਫਿਲਹਾਲ ਘੱਟ ਹੋਵੇਗਾ।
ਬੈਂਕਾਂ ਦੇ ਹੋਲਸੇਲ ਬੋਰੋਇੰਗ ਕਾਸਟ (wholesale borrowing costs) ਪਹਿਲਾਂ ਹੀ ਅਕਤੂਬਰ ਤੋਂ ਵਧ ਰਹੇ ਸਨ, ਜਿਸ ਕਾਰਨ ਫਿਕਸਡ ਰੇਟਸ ਵਿੱਚ 0.2% ਤੋਂ 0.7% ਤੱਕ ਦਾ ਵਾਧਾ ਪਹਿਲਾਂ ਹੀ ਹੋ ਚੁੱਕਾ ਹੈ। Tony Alexander ਨੇ ਦੱਸਿਆ ਕਿ ਸਤੰਬਰ ਦੀ ਸ਼ੁਰੂਆਤ ਵਿੱਚ OCR ਵਿੱਚ 0.25% ਦਾ ਇੱਕ ਹੋਰ ਵਾਧਾ ਹੋਣ ਦੀ ਪੂਰੀ ਸੰਭਾਵਨਾ ਹੈ, ਅਤੇ ਇਹ ਸਿਲਸਿਲਾ ਅਕਤੂਬਰ ਜਾਂ ਦਸੰਬਰ ਤੱਕ ਵੀ ਚੱਲ ਸਕਦਾ ਹੈ।
ਉਨ੍ਹਾਂ ਨੇ ਕਰਜ਼ਦਾਰਾਂ (borrowers) ਨੂੰ ਸਾਵਧਾਨੀ ਵਰਤਣ ਦੀ ਸਲਾਹ ਦਿੱਤੀ ਹੈ। ਜੇਕਰ ਤੁਹਾਡਾ ਕਰਜ਼ਾ ਘੱਟ ਹੈ, ਤਾਂ ਇੱਕ ਸਾਲ ਲਈ ਰੇਟ ਫਿਕਸ ਕਰਨਾ ਸਹੀ ਹੋ ਸਕਦਾ ਹੈ। ਪਰ ਜਿਨ੍ਹਾਂ ਸਿਰ ਕਰਜ਼ਾ ਜ਼ਿਆਦਾ ਹੈ, ਉਨ੍ਹਾਂ ਲਈ ਤਿੰਨ ਸਾਲ ਵਾਸਤੇ ਰੇਟ ਫਿਕਸ (fix three years) ਕਰਨਾ ਇੱਕ ਸੁਰੱਖਿਅਤ ਵਿਕਲਪ ਰਹੇਗਾ। ਕੇਂਦਰੀ ਬੈਂਕ ਨੇ ਇਸ ਚੱਕਰ ਵਿੱਚ OCR ਦੇ 3.25% ਤੱਕ ਪਹੁੰਚਣ ਦੀ ਭਵਿੱਖਬਾਣੀ ਕੀਤੀ ਹੈ।
