ਆਕਲੈਂਡ : ਨਿਊਜ਼ੀਲੈਂਡ ਦੀ ਸਿਆਸਤ ’ਚ ਵੱਡਾ ਵਿਵਾਦ ਖੜ੍ਹਾ ਹੋ ਗਿਆ ਹੈ, ਜਦੋਂ NZ First ਦੇ ਨੇਤਾ Shane Jones ਦੇ “butter chicken tsunami” ਵਾਲੇ ਬਿਆਨ ਨੂੰ ਇੰਡੀਆ ਮੂਲ ਦੇ ਭਾਈਚਾਰੇ ਨੂੰ ਨਿਸ਼ਾਨਾ ਬਣਾਉਂਦਾ ਮੰਨਿਆ ਜਾ ਰਿਹਾ ਹੈ।
Shane Jones ਨੇ India ਨਾਲ ਸੰਭਾਵਿਤ free trade agreement ਬਾਰੇ ਗੱਲ ਕਰਦੇ ਹੋਏ ਕਿਹਾ ਸੀ ਕਿ ਇਸ ਨਾਲ ਦੇਸ਼ ’ਚ “butter chicken tsunami” ਆ ਸਕਦਾ ਹੈ। ਇਸ ਬਿਆਨ ਨੂੰ ਕਈ ਲੋਕਾਂ ਨੇ ਭਾਰਤੀ ਕਮਿਊਨਿਟੀ ਅਤੇ ਇਮੀਗ੍ਰੇਸ਼ਨ ’ਤੇ ਤਨਜ਼ ਵਜੋਂ ਦੇਖਿਆ, ਜਿਸ ਤੋਂ ਬਾਅਦ ਵਿਰੋਧ ਤੇਜ਼ ਹੋ ਗਿਆ।
Prime Minister Christopher Luxon ਨੇ ਇਸ ’ਤੇ ਸਖ਼ਤ ਪ੍ਰਤੀਕਿਰਿਆ ਦਿੰਦਿਆਂ ਇਸ ਨੂੰ “alarmist” ਅਤੇ ਡਰ ਪੈਦਾ ਕਰਨ ਵਾਲੀ ਭਾਸ਼ਾ ਕਰਾਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਅਜਿਹੇ ਬਿਆਨ ਨਾ ਸਿਰਫ਼ ਬੇਵਜ੍ਹਾ ਡਰ ਪੈਦਾ ਕਰਦੇ ਹਨ, ਸਗੋਂ ਦੇਸ਼ ਦੇ ਅਕਸ ਅਤੇ trade talks ਨੂੰ ਵੀ ਨੁਕਸਾਨ ਪਹੁੰਚਾਉਂਦੇ ਹਨ।
ਇਹ ਸਾਰਾ ਮਾਮਲਾ ਉਸ ਵੇਲੇ ਸਾਹਮਣੇ ਆਇਆ ਹੈ ਜਦੋਂ ਨਿਊਜ਼ੀਲੈਂਡ ਅਤੇ India ਵਿਚਕਾਰ free trade deal ਦੀ ਅਗਲੀ ਪੜਾਅ ’ਤੇ ਗੱਲਬਾਤ ਚੱਲ ਰਹੀ ਹੈ, ਜਿਸ ਨੂੰ ਸਰਕਾਰ ਵੱਡਾ ਆਰਥਿਕ ਮੌਕਾ ਮੰਨ ਰਹੀ ਹੈ ਅਤੇ ਕਿਹਾ ਜਾ ਰਿਹਾ ਹੈ ਕਿ ਇਸ ਨਾਲ ਦੇਸ਼ ਨੂੰ ਵੱਡੇ ਪੱਧਰ ’ਤੇ ਨਵੇਂ exports ਮਿਲ ਸਕਦੇ ਹਨ।
ਪਰ Jones ਦੇ ਇਸ ਬਿਆਨ ਨਾਲ coalition ਦੇ ਅੰਦਰ ਹੀ ਸੋਚ ਅਤੇ ਭਾਸ਼ਾ ਨੂੰ ਲੈ ਕੇ ਟਕਰਾਅ ਖੁੱਲ੍ਹ ਕੇ ਸਾਹਮਣੇ ਆ ਗਿਆ ਹੈ। ਇਹ ਪਹਿਲੀ ਵਾਰ ਨਹੀਂ ਕਿ Shane Jones ਆਪਣੇ ਤਿੱਖੇ ਬਿਆਨਾਂ ਕਰਕੇ ਚਰਚਾ ’ਚ ਹਨ। ਉਹ ਪਹਿਲਾਂ ਵੀ ਇਮੀਗ੍ਰੇਸ਼ਨ ਅਤੇ ਸੱਭਿਆਚਾਰਕ ਮੁੱਦਿਆਂ ’ਤੇ ਵਿਵਾਦਿਤ ਟਿੱਪਣੀਆਂ ਕਰ ਚੁੱਕੇ ਹਨ।
More Read
ਇਸ ਮਾਮਲੇ ’ਚ ਸਪੱਸ਼ਟ ਹੈ ਕਿ ਜਿੱਥੇ ਸਰਕਾਰ India ਨਾਲ ਵਪਾਰ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਉੱਥੇ ਹੀ ਅਜਿਹੇ ਬਿਆਨ ਭਾਰਤੀ ਮੂਲ ਦੇ ਭਾਈਚਾਰੇ ਨੂੰ ਨਿਸ਼ਾਨਾ ਬਣਾਉਣ ਦੇ ਦੋਸ਼ਾਂ ਨਾਲ ਸਮਾਜਿਕ ਅਤੇ ਰਾਜਨੀਤਿਕ ਤਣਾਅ ਵਧਾ ਰਹੇ ਹਨ। “Butter Chicken” ਵਾਲਾ ਇਹ ਬਿਆਨ ਹੁਣ ਸਿਰਫ਼ ਇੱਕ ਟਿੱਪਣੀ ਨਹੀਂ ਰਿਹਾ — ਇਹ ਨਿਊਜ਼ੀਲੈਂਡ ਵਿੱਚ ਸਿਆਸੀ, ਇਮੀਗ੍ਰੇਸ਼ਨ ਅਤੇ ਭਾਈਚਾਰੇ ਦੀ ਇੱਜ਼ਤ ਨਾਲ ਜੁੜਿਆ ਵੱਡਾ ਮੁੱਦਾ ਬਣ ਗਿਆ ਹੈ।
